'la kung kasalanan a depatan keka
pwera king tilutan pagpa ko reng mata,
at e ku ukulan keka manakbag ya
ing maratun kung lub kening karinan na;
kabud dekap mu kung alang kapamunan,
'gyang nanung sikan ku e ku mekalaban,
at sinukul mu ku king alang kulungan
ala agyang pasbul a malyaring l'walan.
nu ya ing kalayan? e me bibye kaku,
e ku panagimpan ing katimawan ku,
sige, sukul mu ku king kaba ning bye mu,
-e mu ku bubulus muli ku mang abu.
-30-
No comments:
Post a Comment