"ing turu nang 'ma ku"

lubas kung misapwak keti king masala,

at ala pang letra ing kanakung s'wala,

uling kimo ya pa ing kanakung dila,

ala yang amanu nun'e kabud gaga

dapot king sustansya ning gatas nang 'ma ku,

king lugud at lingap a penese kaku,

kambe ning usuk na at pamangamanu

metulid ku dila ampong pangatau:

tiru nakung lugud king Guinu (mumuna)

(ing kaparang tau) kadwa king pamilya,

ing lugud king balen (kaministilan ya)

anti king lugud ku king amanung mana.

-30-