libutad marangle dikut yang tutubu,magtikum ya bulung, sanggayuran me mu
uling mengari yang babai a mamu
king awus ning tuksu mangilag ya pusu;
at e me atalan alang ingat gamat,
masuksuk ya tangke mengari yang rosas,
'nya nung mangangas ka, mibata kang kaplas,
uling king sarili byasa yang maningat;
iti nung akit me, katuklip ning silim
piraup ding palad ban neng manalangin,
kasapwak ning abak mag-unyat king angin,
pasalamat king Dios king aldong masanting.
-30-
No comments:
Post a Comment