"ing lango at babagwa"

anti yang manakit a karning sagiwa
king langong lalabas ing metung babagwa
'nya ngana, "mekeni... at salangi ka pa,
ban mipaynawa ka king bale kung gewa;

at e ya petugut king pamangumbira
ban kan'ta ayan ne ing aging bale na
dapot ining lango anting mamusit ya,
-talastas ne layun 'nya e ya dinugpa;

king managkat keyang danupang babagwa
mekibat ya'ng lango, ngana, "e ku bisa,
akwa mu nang mate a mangayat wawa
e mu ku atakman," nganang migsalita.

-30-