kakuldas anam pye ning asyas ning bale
ing pibalebale pamatbat ning lumbe,
'gyang ing minutus tumali ya't ume
king pangayntungulan, ing peparam king bye.
siguru uli na ning 'lakung anti'la,
king ustung talakad mituru't giniya,
alang pisandalan, tikal kung kaladwa,
inya e ku balu ing panamdaman da
makanyanman e la dapat sumukal lub
ketang Mayupaya'ng karela migkalub
pablasang nuan la pa tinakman lang lugud
-e mo anti aku a manalbe kabud.
-30-
No comments:
Post a Comment