ing blog a ini megawa ya para karing kapampangan a medyu masasawang mamasa kareng poesyang mangakaba, para kareng manigaral sumulat poesya, at kareng malugud king amanung sisuan. maragul a kapasalamatan ing kanakung dudwang king kaninu man a mamasa king blog kung ini.
Thursday, May 29, 2008
" i leon guerreru"
ninu para keka i Leon guerreru?
ing waring dakal na asaken kabayu?
at e me abiru e byasang manguinu
uling patasan ne, ninu mang 'yarap mu.
o itang lalaki a makasake na
king babo kabayu dapot kinuldas pa?
e ne kanu agyung papulayan, ngana,
ing metung kabayu a e naman keya;
ing keyang latiku e ne kabud-abud
king balang kabayu 'yunyat at pamarug
uling para keya dapat nemung patud
ing pamalasbas na nung utus ning lugud.
-30-
Subscribe to:
Post Comments (Atom)
No comments:
Post a Comment