"lab at pers sayt"

aganaka mu pa...? kapilan pa' wari
king panimanman ku munang sinalangi?
inyang gumulut ka't memun nakang muli...
-lihim... ding mata ku... keka... tinakiki.

ing kekang panyatang, oras de ring batwin
magbante kulayung kan'ta pakagising...
-ing lupa ng Helios anti yang selaing;
salang kang Diyana a mitabing tambing.

diklut neng Kaedmon itang keyang alpa,
kang Kupido delit ing metung harana,
at metagkil ya lub, dimput ne'yng pana na;
ring adwa nang uyung kekata no pigpa.
-30-