maswelu ku't e ya adwa ining pusu
at lalung e adwa ding Eba'ng tuturu
inya akung Adan e ku malilitu
nung ninung pilinan, ika, o 'ya namu...
ing metung a pusu nung adwa ya buri,
nung adwa la reti, apat na lang muli,
lalung misakitan potang pamamili
-ing metung katawan, agyu na la wari?
batubalani ku'ng pusu "pangulu" ya,
katulid ning keka a "ma-uli" karga,
'nya pasalamat ku king Guinu king banwa
uling ita'ng adwa metung lang pusu ta.
-30-
No comments:
Post a Comment