kekami, 'tin adwang matwang miyasawa,
e m'yabe pagkeran king pamanudtud da,
uling ing babai ing pangilagan na
pota ing kabislak turan ne rayuma.
dapot ing lalaki lihim yang mangaga
panyatang ning bengi kabang makakera,
e kimut ning tud na ing paragus king lua
nun'e itang subyang a pamangulila.
"kan'tang anak kaming matibe king dimla
e ku mipatudtud nung e kakawlan na,
-ngening timbud kami pesari na ning tua,
ding kawul na kaku karin kinawang la." -30-
No comments:
Post a Comment