king metung a balag nung ing kekang akitkamumuran na pa mutmu neng kalumpis,
at istung tikman me asne king kapait,
nanu ya mong bunga ing lungub king isip...?.
o nung ring akit mu mamu lang lelangan
libutad marangle karin papastulan
nu sagiwang dikut ing paninintunan,
-e ka magkamali king kekang isipan...
nung ing kekang ukul mengasna yang dinat
king mapangumbira a klasi ning gayak
itang misususlud e marayu mekad
serya yang magdinat o tatalbug burak.
-30-
No comments:
Post a Comment