itang tugak batan a kaluguran ta,
kauli na keti ibat amerika,
dit mang kapampangan e ne yata b'yasa,
-inyang kasabi ke, inglis-inglis ya pa.
ketang inayan ke keta king karela
ban mipagmananu at mipangomusta,
ing keyang pekibat, "ridit, ridit," ngana,
itang "kokak, kokak," akalingwan na na.
e ra mo kalupa ring anak nang saba
a mengasapwak ngan karin king canada,
neng kasabi mu la mangasalusu la
neng mangapampangan at papa-"pu" la pa.
-30-
No comments:
Post a Comment