ding aliwang Eba, na'n ku mang isipan,
mababa la lawe karing anggang Adan
'nya karing pakpak da seryang yayapusan
detang patipating mababa mu sawang!?
ding pamangle bulig ila ring panapan,
pibala-balandra ban dang atakiran
-isipan da galang laganas a Adan
hilig dong titima ding sagiwang asan?
king ukul ku ngaku, "pota ila galang
ring manipun dutung para king telaksan,
panyatang ning aldo ban e kaulatan
panangab king kalang nung nu ro dulukan?"
-30-
No comments:
Post a Comment